$ 472.49  515.44  5.41

Ресейде экипаж мүшелері апатқа ұшырап, стюардесса қайтыс болды

Оқиға Сочи әуежайынан қонақ үйге барар жолда болды.

Фото: Pixabay
Фото: Pixabay

9 маусымға қараған түні Сочи қаласында ресейлік Nordwind авиакомпаниясының экипажы жан түршігерлік апатқа ұшырады, деп хабарлайды Skifnews.kz ақпарат порталы.​

Оқиға Сочи әуежайынан қонақ үйге барар жолда болды, деп жазады AzattyqRuhy.

«Авиаторщина» Telegram-каналының мәліметі бойынша, N4 520 Курган – Сочи рейсін орындағаннан кейін ресейлік Nordwind авиакомпаниясының экипажы ұшудан кейінгі барлық рәсімдерден өтіп, авиатасымалдаушы тапсырыс берген шағын автобусқа отырды. Экипаж трансфері екі ұшқыш пен төрт стюардессаны қонақ үйге жеткізуі керек еді.

Бірақ жолда Адлер – Псоу айналма жолында шекараға қарай микроавтобус жол қызметтерінің камазына соғысқан. Куәгерлердің айтуынша, микроавтобус жүргізушісі телефонға алаңдап, жолда тұрған жүк көлігін уақытында байқамаған. Осы апаттың салдарынан төрт адам зардап шекті. Олар ауруханаға жеткізілді.

Дереккөздің хабарлауынша, екі баланың анасы, 34 жастағы стюардесса реанимацияға түскен. Дәрігерлер бар күшін салғанымен, әйел қайтыс болды. Тағы бір стюардессаның көкбауыры жарылған, үшіншісінде бет жарақаты бар. Жергілікті жерде құқық қорғау органдары жұмыс істейді.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары