Тимур мен Динара Құлыбаевтар Altyn Bank-ке иелік ететін болды

Мұндай мәліметті Қаржы нарығын реттеу және дамыту агенттігі таратты.

Фото: hops.id

Агенттіктің басқармасы 7 маусымда бірқатар қаулы қабылдаған, деп хабарлайды Skifnews.kz ақпарат порталы.

Оның бірі Тимур Асқарұлы Құлыбаевқа «Altyn Bank» акционерлік қоғамының (China Citic Bank Corporation Limited ЕБ) ірі қатысушысы мәртебесін (жанама) иеленуге келісім беру жөнінде, ал екіншісі Динара Нұрсұлтанқызы Құлыбаеваның «Altyn Bank» акционерлік қоғамының (China Citic Bank Corporation Limited ЕБ) ірі қатысушысы мәртебесін (жанама) иеленуіне келісім береді, деп жазады ҚазАқпарат.

Үшінші қаулыда «АЛМЭКС» холдингтік тобы» акционерлік қоғамына «Altyn Bank» (China Citic Bank Corporation Limited ЕБ) акционерлік қоғамының банк холдингі (жанама) мәртебесін иеленуіне келісім берілетіні көрсетілген.

Осылайша Тимур және Динара Құлыбаевтар «Altyn Bank» акционерлік қоғамына иелік ететін болды.