Аққан жұлдыз: Бүгін – Денис Теннің туған күні (ВИДЕО)

Танымал мәнерлеп сырғанаушы Денис Тен 1993 жылы 13 маусымда Алматы қаласында өмірге келген. Ол 2009 жылы әлем чемпионатына алғаш рет қатысып, үздік он мәнерлеп сырғанаушының қатарына кірген болатын, деп хабарлайды Skifnews.kz ақпарат порталы. 

2010 жылғы Олимпиадада ең жас қатысушы болған Денис он бірінші орынға тұрақтады.

2011 жылдың ақпанында Қазақстанда өткен VІІ қысқы Азия ойындарында алтын алқа еншіледі.

Канадада өткен әлем чемпионатында Денис Тен өзінің жеке рекордына – 266,48 балға қол жеткізді. Ал еркін бағдарламада үздік шығып, канадалық Патрик Чаннан 1,3 балға қалып, күміс жүлдеге ие болды. 

Осылайша, қазақстандық мәнерлеп сырғанаушылар арасында алғаш рет әлем чемпионатының жүлдегері атанды.

Айта кетейік, Денис Тен 2018 жылы 19 шілде күні пышақ жарақатынан көз жұмды.