«Өліміне бір жігітті кінәлайды»: Алматыда танымал блогер өз-өзіне қол жұмсады

Алматыда  Айлуна Рахым атты жас қыз өз өзіне қол жұмсап, көз жұмды. 27 жастағы қыз өзінің өліміне жігітті айыптап, хат қалдырған, деп  хабарлайды Skifnews.kz ақпарат порталы.

Қайғылы жағдайды марқұм қыздың құрбылары «НеМолчи» қорына хабарлаған.

«Немолчикз-ке 27 жастағы Айлуна Рахым есімді қыздың құрбылары жазды. Айлунаның ата-анасы жоқ. Ол SMM маманы болып жұмыс істеген және қамқоршы апайынан бөлек тұрған.11 маусымда кешкі сағат 7-де оның денесі табылды. Суицид жасаған қыз хат жазып қалдырған. Ол өз өліміне бір жігітті кінәлайды. Мұқият тергеу жүргізу маңызды. Бізде көп скрин және хабарлама бар, үмітсіздік, қарым-қатынаста проблемалар болғаны анық. Алматы полиция департаментінен қай бап бойынша іс ашылғанын хабарлауды сұраймыз. «Үмітсіз шайтан». Достар, жақындарыңызды, өзіңізді үмітсіз жағдайға душар етпеңіз. Қазір елдің бәрінің жүйкесі жұқарған, адамдар шаршаған. Осындай әдемі нәзік қыз қайтыс болды. Оған қарапайым ғана қолдау жетпеген. Сондықтан бәріңізден бір-біріңізге мұқият болуды сұраймыз», – деп жазды nemolchikz_official.

Қордың жетекшісі өмірін қимақ болған тағы бір жігітті құтқарып қалғанын хабарлады. Қазақстан суицид бойынша 2023 жылы 178 ел ішінде 19-шы орынға табан тиеген.

«Достар. Әр мәселенің шешімі бар. Өзіңе қол жұмсау – мәселе шешімі емес. Егер сізге қолдау қажет болса, +77051510000 сенім телефонына жазыңыз», – делінген nemolchikz_official-дың хабарламасында. 

Марқұм қайғылы оқиғаның алдында әлеуметтік желідегі парақшасында рилс жариялап,өзінің денесі көгерген суреттерін жариялаған. Кадрларда қолына үтік басқан фото да бар.