«Таиландта қазақстандық балаларды ұрлау» туралы видео тарады: ҚР СІМ түсініктеме берді

Желіде қонақ үйдің бөлмесінен жасырын есік тауып алған адамдардың ескі фейк видеосы тағы да тарады. Ол арқылы басқа бөлмеге өтуге болады. Адамдардың пайымдауынша, осы есік арқылы қылмыскерлер балаларды ұрлайды делінген, деп Skifnews.kz ақпарат порталы.

Таиландта Қазақстаннан келген балаларды ұрлайтыны туралы жалған ақпарат 2024 жылдың наурыз айында таралды. Бұл ақпаратты Сыртқы істер министрлігінің баспасөз қызметі жоққа шығарғаны туралы бірқатар БАҚ жазды.

Ведомствоның ресми өкілінің айтуынша, "бұл жаңалық – фейк және ол бірнеше жылдан бері тарап келеді. Кейде ТМД елдерінде де жарияланады. Биыл соңғы үш айда біреулер осы "жаңалықты" көп таратып жүр, деп жазады Stopfake.

Қазақстанның СІМ-не тағы да хабарласты. Сауалға министрліктің ресми өкілі Айбек Смадияров жауап берді.

"Бұл әлеуметтік желілерде бірнеше жылдан бері жүрген өте ескі фейк, "жоғалған" балалардың ата-аналарымен қалай байланысуға болатынын ешкім де айта алмайды. Осы жылдар ішінде бірде-бір ата-ана, бірде-бір бала анықталған жоқ", – деді Айбек Смадияров Zakon.kz-ке бірген түсініктемесінде. 

Жасырын бөлмеге келетін болсақ, оны әріптесіміз Factcheck.kz әшкерелеген. Видео Түркиядағы Holiday Inn Istanbul Old city қонақ үйінде түсірілген. Шындығында есіктің ар жағында техникалық бөлме орналасқан. Оны бір жыл бұрын жауып, мөрлеп тастаған. Қылмыскерлердің бұл есікті балаларды ұрлау үшін пайдаланғанына ешқандай дәлел жоқ.