$ 478.58  520.84  5.44

Футболдан Лига кубогы: «Астана» «Каспийді» ойсырата жеңді

Жартылай финалда 10-11 тамыз бен 30 қазанда А мен В, С мен D топтарының жеңімпаздары ойнайды. Финал 24 қарашаға жоспарланған.

Фото: pixabay
Фото: pixabay

Бүгін футболдан Лига кубогы турнирінің екінші туры мәресіне жетті, деп хабарлайды Skifnews.kz ақпарат порталы inform.kz-ке сілтеме жасап.

Аталған турда D тобындағы командалар түйіндеді.

Елордалық «Астана» Ақтаудың «Каспийін» 5:0 есебімен тізе бүктірді. Бұл ойында елордалық клубтан Ннамди Аханону 18, Эльхан Астанов 35, Карло Бартолец 62, Марин Томасов 79, Станислав Басманов 82-минутта мергендік танытты.

Осылайша олар қарсыласынан 5:0 есебімен басым түсті.

Бұл топтағы тағы бір кездесуде Қарағандының «Шахтері» өз алаңында Талдықорғанның «Жетісуын» 2:1 есебімен сүріндірді.

Сондай-ақ А тобындағы «Қызылжар» (Петропавл) мен «Қайрат» (Алматы) 1:1 есебімен тең ойнаса, Оралдың «Ақжайығы» «Таразға» 0:2 есебімен жол берді.

Айта кетсек, 6 шілдеде В тобында «Тобыл» (Қостанай) өз алаңында «Ақтөбені» 2:0 есебімен жеңсе, «Қайсар» (Қызылорда) мен «Жеңіс» (Астана) клубына 0:1 есебімен жол берді.

Ал 6 шілдеде С тобында «Ордабасы» (Шымкент) мен «Елімай» (Семей) 2:2 есебіне қанағат білдірсе, «Тұран» (Түркістан) «Атырауға» 0:2 есебімен жол берді.

Енді үшінші тур ойындары 20 және 21 шілде күндеріне белгіленген.

Жартылай финалда 10-11 тамыз бен 30 қазанда А мен В, С мен D топтарының жеңімпаздары ойнайды. Финал 24 қарашаға жоспарланған.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары