Садыр Жапаровтың інісі қамауға алынды

Қырғызстан президенті Садыр Жапаровтың немері інісі Ұлан Жапаров қайта ұсталды, деп хабарлайды Skifnews.kz ақпарат порталы.

Kаktus.mediа басылымыынң жазуынша, ол бұл ірі көлемде алаяқтық жасады деп айыпталуда. Жапаровтың інісі облыстардың бірінде Қырғызстан президентінің өкілетті уәкілі лауазымына орналастырамын деп уәде берген және ол үшін 100 мың доллардан астам сыйақы алған, бірақ уәде сол күйі орындалмаған.

Көп ұзамай оны Қырғызстанның Мемлекеттік ұлттық қауіпсіздік комитетінің қызметкерлері қолға түсірді.

Ұлан Жапаровқа қатысты 2024 жылғы 19 тамызға дейін қамауға алу түріндегі бұлтартпау шарасы қолданылды. Ол «аса ірі көлемде алаяқтық» бабы бойынша айыпталуда.