Синоптиктер қазақстандықтарға аптап ыстық болатынын ескертті

Еліміздің оңтүстігінде +38+43℃ дейін ыстық болады.

Фото: Pixabay

Синоптиктер 24 және 25 шілдеде Қазақстанда ауа райы қандай болатыны туралы болжам жасады, деп хабарлайды Skifnews.kz ақпарат порталы.

Алдағы күндері Қазақстан аумағының басым бөлігінде төмен атмосфералық қысыммен жаңбыр, найзағай және екпінді жел күтіледі, ал қатты жаңбыр, бұршақ солтүстік-батыста, солтүстікте, 24-25 шілдеде батыста, 25 шілдеде орталығында күтіледі.

«Күндіз ауа температурасы еліміздің шығысында +30+35℃ дейін, оңтүстігінде +38+43℃ дейін, оңтүстік-шығысында +31+37℃ дейін жоғарылауы болжанады», — делінген хабарламада.