Олар барлығын әдейі жасайтындай.
Сот кеңсесінде Қазақстанның бұрынғы ұлттық экономика министрі Қуандық Бишімбаев ісі Жоғарғы сотқа жіберілгені туралы жазба пайда болды, деп хабарлайды Skifnews.kz ақпарат порталы.
Сот кеңсесіндегі ақпарат бойынша 5 тамызда Қуандық Бишімбаев пен Бақытжан Байжанов ісі судьяға өткен.
Бұл туралы марқұм Салтанат Нүкенованың ағасы өзінің әлеуметтік желідегі парақшасында пікір білдірді.
«Олар барлығын әдейі жасайтындай. Апелляциялық шағымды анамыздың туған күнінде түсірді. Ал Жоғарғы сотқа менің туған күнімде жолдап отыр. Бұған дейін Салтанаттың туған күні мен қырық күндігінде де осылай болған», деп жазды ол.
Естеріңізге сала кетейік, апелляциялық сот экс-шенеунік Қуандық Бишімбаев пен оның інісі Бақытжан Байжанов үкімін өзеріссіз қалдырды.