-6°С: Сегіз өңірде күн суытып, үсік жүреді

"Қазгидромет" РМК 18 қыркүйекке арналған ауа райы болжамын ұсынды, деп хабарлайды Skifnews.kz ақпарат порталы.

Синоптиктердің мәліметінше, еліміздің шығысында, оңтүстігінде, оңтүстік-шығысында жылжыған фронтальды бөліктердің әсерінен найзағай ойнап, жаңбыр жауады,елдің солтүстігінде, шығысында, оңтүстік-шығыстың таулы аймақтарында түнде және таңертең тұман түседі. Республика бойынша ортақ табиғи құбылыс  – жел күшейеді. 

"Шығыс Қазақстан облысында, Павлодар облысында, Солтүстік Қазақстан облысының шығысында, солтүстігінде, Қарағанды өңірінде, Абай облысының батысында, шығысында, орталығында, Қостанай өңірінің солтүстік-шығысында, Ақмола облысының солтүстігінде, шығысында, Жетісу облысының таулы аудандарында сынап бағаны -1-ден -6 градусқа дейін төмендеп, күн суытады, үсік жүреді", – делінген "Қазгидромет" РМК хабарламасында.

Ақтөбе, Ұлытау облыстарында, Жетісу өңірінің батысында, БҚО-ның солтүстік-шығысында, Қызылорда өңірінің солтүстік-шығысында, солтүстік-батысында, Жамбыл облысының оңтүстік-батысында, оңтүстік-шығысында, Қарағанды өңірінің батысында, орталығында, ШҚО-ның батысында, оңтүстігінде, орталығында, Қостанай облысының оңтүстігіне өрт қаупі жоғары болады.

Қызылорда, Түркістан, Жамбыл, Атырау, Маңғыстау, Батыс Қазақстан облыстарында, Қарағанды өңірінің батысында, шығысында, Ұлытау облысының солтүстігінде, оңтүстігінде, Абай облысының оңтүстігінде,  Жетісу өңірінің солтүстігінде, орталығында, Ақтөбе облысының оңтүстігінде, Алматы облысының солтүстігінде, батысында төтенше өрт қаупі сақталады.