Алматыда жолаушылар автобус жүргізушісін ұрып, есінен тандырып тастады (ВИДЕО)

Алматыда бір топ бұзақы автобустағы жолаушыны, одан кейін қоғамдық көліктің жүргізушісін ұрып тастады. Оқиға бейнежазбасы әлеуметтік желіде тарады, деп хабарлайды Skifnews.kz ақпарат порталы.

Бейнежазбадан автобус салонында жолаушылар арасында жанжал шыққанын көруге болады. Оларды ажыратуға барған көлік жүргізушісінің өзі де соққының астына қалып, есінен танып қалған.

Алматы қаласының Полиция департаменті жанжалға қатысушылардың әрекетіне құқықтық баға берілетінін хабарлады.

- Аталған дерек бойынша Жетісу аудандық полиция басқармасы тергеу жүргізіп жатыр. Қақтығысқа қатысушылардың кім екені және алдын ала мән-жайлар анықталды. Олардың әрқайсысының әрекетіне құқықтық баға берілетін болады, - деп хабарлады қалалық Полиция департаментінің баспасөз қызметі.