«Адамдар жиіркенішті дүниелер жазады»: Алматыда биіктен құлап, қаза тапқан оқушының әкесі үндеу жасады

Қаза болған 7-сынып оқушысы Айшаның әкесі Евгений Мұхамеджанов әлеуметтік желідегі парақшасында қызының өліміне қатысты жазба қалдырды, деп хабарлайды Skifnews.kz ақпарат порталы. 

«Осы күндері бізді шын жүректен қолдаған барша жандарға алғысымды білдіремін. Менің кішкентай періштемнің жәннатта жүргеніне бір апта болды. Әзірге болған оқиғаны толықтай қабылдаудан бас тартып отырмын. Қазір барлық ойымды жұмысқа бөлуді жөн көріп отырмын. Бұл оңай емес... Біз тергеу органдарына шын сенеміз. Біздің жағдайымыз арқылы басқа оқиғаларды да тереңірек зерттеуге мүмкіндік аламыз», – деді марқұмның әкесі.

Евгений Мұхамеджанов полицейлердің жалған ақпарат таратқан адамдарды қылмыстық жауапкершілікке тартатынына ризашылық білдірді.

«Адамдар қаншама сандырақ және кейде жиіркенішті нәрселер жазады. Бұқаралық ақпарат құралдары бұл ақпаратты таратқанда жағдай одан да ушығады. Мұндай жаңалықтарды оқу өте қиын», – деді белгілі эколог.