Алматыда көпқабатты тұрғын үйден өрт шығып, бірнеше адам құтқарылды

Бүгін түнде Алматы қаласы Алмалы ауданында орналасқан көпқабатты тұрғын үйлердің бірінде өрт шықты, деп хабарлайды Skifnews.kz ақпарат порталы.

ТЖД қызметкерлері баспалдақ арқылы 5 адамды эвакуациялап, 1 қарт адам мен 2 баланы құтқару қалпақтары арқылы құтқарған.

Тәжірибелі өрт сөндірушілер өрттің таралуына жол бермеді, жалын 8 шаршы метр аумақты шарпыған. Зардап шеккендер жоқ.

Сондай-ақ түнде Ақтөбе облысы гарнизонның диспетчеріне Мұғалжар ауданындағы Қандыағаш қаласында жеке меншік үйдің бірінің ауласында орналасқан гараждан өрт шыққаны туралы хабарлама келіп түскен.

Шақырту орнына дереу бағытталған өрт сөндірушілер құрамында болған №8 өрт сөндіру бөлімінің бөлімше командирі азаматтық қорғау аға сержанты Данат Шамаков пен өрт сөндіруші-құтқарушы азаматтық қорғау кіші сержанты Самрат Мейрамбек өртке оранған құрылыстан 2 газ баллоны мен жанармайы бар канистрды алып шығып, жарылыстың алдын алды.