Шымкент әкімдігі жыл соңында «Ордабасыға» тағы 900 млн теңге бөлді

«Дядя Ваня» телеграм-арнасының мәліметінше, еліміздің ең ауқатты клубтарының бірі осы аптада Шымкент қалалық Дене шынықтыру және спорт басқармасы жариялаған тендерді жеңіп алды. Тендердің жалпы сомасы – 892,9 миллион теңге (шамамен 1,7 миллион доллар), деп хабарлайды Skifnews.kz ақпарат порталы. 

Құжаттамаға сәйкес, бұл қаржы «футбол командаларын даярлау, сондай-ақ жергілікті, республикалық және халықаралық жарыстарға қатысу бойынша қызметтерге» жұмсалады деп көрсетілген. Орындалу мерзімі 2024 жылдың 31 желтоқсанына дейін белгіленген.

Алайда, баршаға белгілі болғандай, футбол маусымы аяқталып үлгерді, ал келесі маусым тек 2025 жылдың көктемінде басталады.

«Сарапшылардың пікірінше, мұндай жағдайлар әсіресе жылдың соңында жиі кездеседі. Әкімдіктер мен олардың құрылымдары игерілмей қалған қаражатты жылдам жұмсауға тырысатын кезде, күтпеген ғажайыптарға орын табылады», – деп жазады автор.