Талғар қаласына жаңадан сайланған әкім туралы не белгілі?

Бүгін, 16 желтоқсанда Талғар қаласының жаңа әкімі болып Арыстанбек Әбілқайырұлы тағайындалды, деп хабарлайды Skifnews.kz ақпарат порталы.

Әкімдік 15 желтоқсанда өткен жаңа қала әкімін сайлаудың қорытындысын шығарды.Дауыс беруге 12 875 сайлаушы қатысқан.

«Арыстанбек Әбілқайырұлы үшін сайлаушылардың 9071 дауысы берілді. Ал Жәнібек Кәденов 1 875, Әлібек Рамазанов 1 140 дауыс жинады. 182 сайлаушы барлығына қарсы дауыс берді»,— делінген хабарламада.

Арыстанбек Әбілқайырұлы 1983 жылы дүниеге келген. «Талғар Тұрғын үй» ЖШС директоры, Талғар қаласының тұрғыны. Ол Amanat партиясының атынан ұсынылған болатын.

Еске салайық, қаланың бұрынғы басшысы Бақыт Күрішбеков 16 жастағы Шерзат Полаттың өлімінен кейін қызметінен босатылған еді.