Сотталып кеткен Мейіржан Төребаев түрмеде ескерту алған

Алматыда сотталған вайнер Мейіржан Төребаевтың жазасын жеңілдету туралы өтінішті қарау бойынша сот процесі жүріп жатыр, - деп хабарлайды Skifnews.kz ақпарат порталы.

Түрксіб аудандық сотының отырысында Алматыдағы колония өкілі 3 желтоқсанда сотталушы Мейіржан Төребаев жұмыс орнында тексеру кезінде 15 минутқа кешігіп келгені үшін ескерту алғанын хабарлады, деп жазады Massaget.kz.

Cонымен бірге Төребаевтың екі мақтау қағазымен және үш грамотамен марапатталғаны белгілі болды.

Сотталушының адвокаты Жанна Оразбақова өткен сот отырысында Төребаевқа қатысты тәртіптік іс қозғалмағанын айтты.

"Алдыңғы сот отырысында мекеме өкілі Төребаевтың 15 минутқа кешігіп барғанын, бірақ оған қатысты ешқандай тәртіптік іс қозғалмағанын және ескерту жасалмағанын хабарлады. Бізді ешкім хабардар еткен жоқ, бізді онымен ешкім таныстырған жоқ және бізге қол қою арқылы тапсырған жоқ. Тіпті Төребаев бұл жаза туралы сот отырысы барысында ғана білді", - деді Оразбақова.

Бұған дейін қаржы пирамидасына қатысы болған Шерниязов пен Төребаев бостандыққа шығуы мүмкін екені айтылған еді.