Не болғанын түсінген жоқпыз. Жарылыстың дыбысы болды.
Ақтаудағы ұшақ апатынан тірі қалған жолаушылардың бірі оқиғаның қалай болғанын баяндады, деп хабарлайды Skifnews.kz ақпарат порталы.
48 жастағы Субхонкул SHOT арнасына берген сұхбатында ұшақтың Грозный аумағына қонуға бірнеше рет әрекет жасап, қона алмағанын айтты. Артынша жолаушылар жарылыс дыбыс естіген бірақ оның қай жақтан шыққанын түсіне алмаған. Содан кейін ұшақ белгісіз бағытқа қарай ұшқан.
"Пилотқа рақмет, ол бізді құтқарып қалды. Ол болмағанда бәріміз өліп кетер едік. Артқы бөлігі жұлынып кетті", – дейді Субхонкул.
Субхонкулдың айтуынша, оттегі маскалары төмен түсірілген кезде маскадан оттегі келмеген. Ол артқы орындыққа отырып, басқа маска алған. Субхонкулдың жанында отырғандардың барлығы аман қалған көрінеді.
Ер адам Екатеринбургте тұратынын, Грозныйға жұмыс бабымен ұшып бара жатқан. Субхонкулдың Бакуден ұшаққа ауысып отырған.
Ұшақ апатынан тірі қалған тағы бір жолаушы Кристина да басынан өткен оқиғаны айтып берді.
"Ұшақ жерге құлаған кезде екі соққы болды. Мен орындықтан қатты ұстап отырдым. Ұшақтың алдыңғы бөлігі жарылып кетті. Есімді жинағанда аяғымның қысылып қалғанын байқадым. Стюардесса апатты қону болатынын айтып ескерту жасады. Басымызды төмен түсіріп отыруымызды сұрады. Қону кезінде соққы сездік, моторға құс соғылғандай болды", – дейді ол.
Ұшақ құлағаннан кейін кейін қыз есін жоғалтқан. Ол есін жиған кезде аяғының қысылып қалғанын көріп, аяғын өз бетімен шығарып алып, салоннан шығып кеткен. артынша ол дереу ауруханаға жатқызылды.
Тағы бір жолаушы стюардессалар өз міндеттерін кәсіби түрде орындап, жолаушыларға нұсқау бергенін айтты.
“Стюардессалар өзінің жұмысын жоғары дәрежеде түрде орындады. Тірі қалды ма білмеймін. Не болғанын түсінген жоқпыз. Жарылыстың дыбысы болды. Балон жарылды ма басқа ма білмеймін, мамандар анықтай жатар”, – дейді жолаушы.