«Даңғаза жасаудың қажеті жоқ»: Тоқаев Қытайда таралып жатқан вирусқа қатысты пікір білдірді

Президент бұл мәселеде даңғаза жасаудың қажеті жоқ деп отыр.

Фото: Ақорда

Мемлекет басшысы Л.Н.Гумилев атындағы Еуразия ұлттық университетінің Студенттер үйіне барды, деп хабарлайды Skifnews.kz ақпарат порталы.

«Қазір бәрі жаңа инфекция туралы айтып жатыр. Меніңше, одан даңғаза жасаудың қажеті жоқ. Сондықтан Қытаймен ынтымақтастықты одан әрі дамытуымыз керек», – деді Мемлекет басшысы.

Мемлекет басшысы Еуразия ұлттық университетінің студенттері мен магистранттарына және докторанттарына арналған 2656 орындық жаңа жатақхананы аралап көрді. Мемлекет-жекеменшік серіктестігі негізінде салынған Студенттер үйі үш заманауи блоктан тұрады. Жатақхана құрылысында ерекше қажеттілігі бар студенттердің де талап-тілегі ескерілген.