Әлихан Байменов лауазымды қызметке тағайындалды

Жуырда Президент Қасым-Жомарт Тоқаев Әлихан Байменовпен кездесіп, бірқатар тапсырма берді.

Фото: Халық үні

Қазақстанның Тоғызқұмалақ спорты федерациясының президенті болып Әкім Тұрсұн сайланды. Ал бұған дейін республикалық федерацияны басқарған Әлихан Байменов ұйымның Құрметті президенті болып бекітілді, деп хабарлайды Skifnews.kz ақпарат порталы.

"Әлихан Байменов Дүниежүзілік тоғызқұмалақ федерациясы президенті қызметін жалғастырады", - деп жазылған ақпаратта.

Айта кетейік, Әлихан Байменов республикалық федерацияны 2004-2025 жылдар аралығында басқарды.

Әлихан Байменов бұған дейін Үкіметте жауапты қызметтер атқарған. Ол- 2014 жылғы қыркүйектен бастап Астана мемлекеттік қызмет хабы (ACSH) басқарушы комитетінің төрағасы.