Атырау облысында жол апатынан 16 жастағы жасөспірім қаза тапты

19 қаңтарда сағат 23:30 шамасында Атырау облысында жол апатынан 1 жасөспірім қаза тауып, жарақат алған жүргізуші мен тағы 1 жолаушы ауруханаға жеткізілді, деп хабарлайды Skifnews.kz ақпарат порталы.

«Атырау қаласынан Дамбы ауылына қатынайтын тас жолда ВАЗ — 2170 және Toyota Camry автокөліктері соқтығысты. Жол апатынының салдарынан 2007 жылғы бозбала жүгізген ВАЗ — 2170 автокөлігінде отырған 16 жасар жасөспірім оқиға орнында қайтыс болды. Аталған көліктегі тағы бір жолаушы мен жүргізушісі ауруханаға жеткізілді», — деп хабарлады департаменттің баспасөз қызметі. 

Қазір аталған жол-көлік оқиғасына байланысты кешенді тергеу амалдары басталды. 

«Ата-аналарға жасөспірімдердің көлік жүргізуіне және түнгі мезгілде бақылаусыз жібермеуді ескертеміз. Балалардың қауіпсіздігін басты назарда ұстаған жөн», — делінген хабарламада.