Павлодар облысында ауыл мектебі түгі қалмай өртеніп кетті

Бүгін таңертең 09:00-де Ертіс ауданының Бұланбай ауылындағы жалпы білім беретін мектептің жеке тұрған бір қабатты ғимаратында өрт шықты, деп хабарлайды Skifnews.kz ақпарат порталы.

«Өрттің шығуына қатты жел кезінде ғимаратқа жақын тұрған бағанада тоқтың қысқа тұйықталуы себеп болған. 2010 жылы салынған ғимарат толығымен өртеніп кетті және қалпына келтірілмейді. Оқыс оқиғадан ешкім зардап шекпеді», - деп хабарлады облыстық білім беру басқармасы.

Аталған мектепте 20 оқушы білім алады.

Ауыл тұрғындарының өтініші бойынша оқушыларды шағын орталық ғимаратына уақытша орналастыру туралы шешім қабылданды.