АҚШ-тағы ұшақ апаты: 18 адамның денесі табылды

АҚШ астанасы Вашингтонда жолаушылар ұшағы тікұшақпен соқтығысып, Потомак өзеніне құлап кетті. Қазір жолаушылар іздестірілуде, деп хабарлайды Sкifnews.kz ақпарат порталы.

American Airlines компаниясының мәліметіне сәйкес, ұшақта 60 жолаушы болған, ал экипаж құрамында төрт адам бар еді. Құтқарушылар қазіргі уақытқа дейін 18 адамның денесін тапты, ал қалған жолаушылардың тағдыры белгісіз. Құтқару операциясы жалғасуда.

Авиация басқармасының айтуынша, ұшақ Sikorsky U-60 әскери тікұшақпен соқтығысқан. Ауа райы бұл апатқа әсер етпеген.

Еске салсақ, бұған дейін АҚШ-та құлаған жолаушылар ұшағында әлем чемпиондары болғаны туралы ақпарат тараған.