Мұндай шектеу делдардар алып сатпас үшін қабылданды.
Петропавлда арзан картопты сатуға шектеу қойылды. Енді бір адамға 3 келіден артық картоп берілмейді, деп хабарлайды Skifnews.kz ақпарат порталы.
Тұрақтандыру қоры пункттерінде картопты 97 теңгеден, супермаркеттен 110 теңгеден сатып алуға болады. Бұл базардағыдан үш есе арзан.
Билік сатылымдағы шектеулерді тапшылықпен байланыстырмайды. Тұрақтандыру қорында 1200 тонна картоп бар. Бірақ делдардар алып-сатып қымбаттатады деп алаңдайды.
Кеше Атырауда да дәл осындай шектеу енгізілді, бір адамға 3 келіге дейін ғана сатылады.
“Бір адамға 2-3 келіден картоп беріледі. Себебі картопқа сұраныс өте жоғары болғандықтан, алыпсатарлыққа жол жоқ. Бұл картоптың тапшылығына байланысты емес”, – деді "Солтүстік" СПК" АҚ төрағасы Ғамали Жұмашов.