Оқиғаның видеосы әлеуметтік желіде тарады.
Әлеуметтік желіде Нұрлан Жақыпбеков есімді қызылордалық азамат көпжылдық тарихы бар ағаштардың кесіліп жатқанына наразылық видео түсірген болатын, деп хабарлайды Skifnews.kz ақпарат порталы.
“Таза Қазақстан” экологилық шарасын өткізгеннен не пайда? Біреудің бизнесі үшін алып теректі түп тамырымен кесіп тастап жатса…", - деп жазған қала тұрғыны.
Бұл видеоға қатысты Қызылорда әкімдігі былай жауап берді.
"23 ақпан күні 109 байланыс орталығы арқылы қала тұрғыны Е.Баймырзадан Ғ.Мұратбаев көшесі №8а мекенжайындағы жаяу жүргіншілер жолына кедергі тудырып, қауіпті құлағалы тұрған талды кесу жөнінде өтінім тіркелді.
Осы өтінім негізінде «Жасыл Қызылорда» коммуналдық мемлекеттік мекемесі 24 ақпан күні аталған талды қысқарту жұмыстарын жүргізді.
Айта кету керек, терек талын қысқарту – оның өсуін ынталандыру, өміршеңдігін арттыру және эстетикалық көрінісін жақсарту үшін жүргізілетін күтім шараларының жиынтығына жатады. Тал түбімен жойылмаған, балақталып, қысқартылды", - деп жауап берді әкімдік.