Степногорскте төрт адам көз жұмды

"ВАЗ" көлігіндегі кәмелетке толмаған екі жолаушы ауруханаға жеткізілді.

Фото: gov.kz

Ақмола облысындағы Степногорк маңында жол апатынан төрт адам қаза тапты, деп хабарлайды Skifnews.kz ақпарат порталы.

Жол апаты туралы ақпарат әлеуметтік желіде тарады. Оқиға 23 наурыз күні болған.

"Степногорск – Заводской" автожолында "ВАЗ" көлігі мен "YUTONG" автобусы соқтығысқан. Апат салдарынан "ВАЗ" автокөлігінің жүргізушісі мен 3 жолаушы алған жарақаттарынан көз жұмды.

"ВАЗ" көлігіндегі кәмелетке толмаған екі жолаушы ауруханаға жеткізілді.

"Қазір сотқа дейінгі тергеу амалдары жүргізіліп жатыр. Оның қорытындысы бойынша процессуалдық шешім қабылданады", - деп хабарлады полиция департаменті.