«9 миллиард теңгеге салынған»: Желіде Түркістандағы адам көргісіз жағажайдың видеосы тарады

Желіде Түркістандағы жағажай мен оған бюджеттен бөлінген орасан қаражат туралы айтылған ерекше дыбыстамасы бар видео кеңінен тарады, деп хабарлайды Skifnews.kz ақпарат порталы.

Бейнежазбада жағдайдың қаншалықты мүшкіл екені анық көрінеді – шынайы кадрлар бұл инвестицияның орынды жұмсалғанына және жүзеге асырылған нысандардың сапасына қатысты сұрақтар туындатады.

Белсенді Дидар Смағұлов әлеуметтік желіде бұл жағажайды «Шөкеев жағажайы» деп атады, өйткені оны абаттандыруға қаржы Түркістан облысының әкімі Өмірзақ Шөкеев болған кезде бөлінген.

«9 миллиард теңгеге салынған Шөкеев жағажайы. Жоқ, бұл қараусыз қалған су айдыны емес, бұл – Түркістандағы туризм саласын дамытуға арналған халықаралық деңгейдегі кешен. Әрине, құжаттарда солай жазылған», – деп жазды ол Facebook-те.