Ақтаулықтар жаз бойы ыстық су көрмейді

Жылу желілерін қайта құру жұмыстарына байланысты Ақтау қаласында жаз бойы ыстық су болмайды, деп хабарлайды Skifnews.kz ақпарат порталы Lada.kz-ке сілтеме жасап.

Қалалық энергетика және тұрғын үй-коммуналдық шаруашылық басқармасы ыстық судың жылыту маусымы аяқталғаннан кейін өшірілетінін мәлімдеді.

«МАЭК» сумен жабдықтауды тоқтатса, кәсіпорын да суды тұрғындарға жеткізе алмайды. Қалада жылу желілерін жаңарту жұмыстары басталса, ыстық су жылу маусымы аяқталған сәтте ажыратылады.

Айта кетейік, ыстық суды қосу мәселесі жылу желілерін жөндеу жұмыстарының аяқталуына байланысты болады. Оны қалпына келтіру мерзімі туралы қосымша ақпарат беріледі.