Көп баланы ойланып тумасаң солай.
4 баланың анасы, документалист Әлия Әшім көпбалалы әйелдер туралы сөз қозғады. Бұл туралы ол журналист Әйгерім Есенәліге берген сұхбатында айтты, деп хабарлайды Skifnews.kz ақпарат порталы.
«Менің шешем 4 баланың туды, 5-шісін туып жатқанда баламен бірге қайтыс болды. Ұл туамын деп 3 баланы қатар туды. 4-ші бала ұл болды. Менің көз алдымда өте көп бала туған әйел — өз-өзін тұлға ретінде қалыптастырмаған әйел. Өйткені, анамның потенциалын қазір де байқаймын. Кішкентай кезімде де көп көретінмін. Ән айтып жүріп сұлулық дегендей. Тордағы құс сияқты елестейтін. Сол үшін бала мен үшін тор сияқты елестейтін. Бала тұлға болып қалыптасуыңа тосқауыл. Тұлға болып қалыптасуыңа кедергі келтіреді деп ойлайтынмын. Олай емес деп айта алмаймын. Көп баланы ойланып тумасаң солай», — деді блогер Әлия Әшім.