Астанада 3 және 5 мамырда Жеңіс шеруінің жалпы жаттығуы өтеді

Жеңістің 80 жылдық мерейтойына арналған Жеңіс шеруінің жалпы жаттығулары Астанада 3 және 5 мамырда елордадағы басты алаңда өтеді, деп хабарлайды Skifnews.kz порталы.

Ұлы Отан соғысындағы Жеңіс мерейтойына арналған әскери парадтың жалпы жаттығуы 3 және 5 мамырда елордадағы басты алаңда өтеді. Қазіргі уақытта жаяу құрамдар мен техниканың дайындығы жүргізіліп жатыр, - деп айтты Құрлық әскерлері бас қолбасшысы, генерал-майор Мереке Көшекбаев.

Бұған дейін Қазақстанның қорғаныс министрлігі биылғы парадқа 24 құраманың қатысатынын мәлімдеген болатын. Астанадағы алаңда жалпы саны 4 мыңнан астам қатысушы жиналды, олардың арасында 200-ден астам әйел сарбаз бар. Биыл шеруде 300-ден астам жауынгерлік, арнайы және тарихи техника көрсетіледі.