«Мұндай адамдарды әрқашан құрметтеймін»: Шымкенттік ерлі-зайыпты белгілі бизнесменді таңғалдырды (ФОТО)

Қазақстандық белгілі кәсіпкер Айдын Рахымбаевты таң атпай самса пісіріп жатқан отбасының еңбекқорлығы сүйсіндірді, деп хабарлайды Skifnews.kz ақпарат порталы.

«Шымкент, таңғы 6.45. Серуендеуге шықтым, Rixos-тан екі квартал жерде, көше қиылысында бір отбасы қызып тұрған тандыр пешке самса салып үлгеріпті! Мен мұндай адамдарды, өз ісінің майталмандарын әрқашан құрметтейтінмін. Қала енді ғана оянып, жұмысқа кетіп жатыр, ал бұл жерде ыстық самса дайын тұр. Мен олардың игі істеріне сәттілік пен береке тіледім», - деп жазды ол.

 Ол Шымқала әрқашан осындай дәстүрімен қуантатынын жасырмады.

«Ерте тұрған еркектің - ырысы артық, ерте тұрған әйелдің - бір ісі артық. Еңбек адамдарына сәттілік тілеймін, Жұмыстарыңызға береке берсін!», - деді Айдын Рахымбаев.