Яғни Ернарды , Берденов сондай ауыр жағдайға жеткізген болуы керек.
Заңгер Айгүл Орынбек күні кеше әкімдіктің алдында оқ жарақатын алған Шымкент қаласы әкімінің орынбасары Руслан Берденовке оқ атылуына байланысты пікір білдірді, деп хабарлайды Skifnews.kz ақпарат порталы.
21 сәуір күні жұмыс күні аяқтала бергенде Шымкент қаласы әкімінің орынбасары Руслан Берденов әкімдік ғимаратының алдында аңшы мылтығымен оққа ұшты. Бейресми деректерге сүйенсек, күдікті бұл әрекетке әйелін қызғану себепті барғаны айтылған.
Осы оқиғаға байланысты заңгер Айгүл Орынбек шымкенттік шенеуніктер арасындағы жеңілтек әрекеттерге назар аударды. Ол әлеуметтік желідегі жазбасында кейбір басшылардың тіпті Украинадан қыздар алдыртып, көңіл көтергенін нақты білетінін жеткізді.
"Шымкентте өмір сүру оңай емес, ойыныңды осып жібереді! Сайттарда тарап жатқан ақпарат рас болса, сауап болған екен. Біреудің әйеліне сексуалдық түрде қол жүгірту не масқара?! Жалпы Оңтүстік жаққа келген кейбір әкімдер мен оның орынбасарлары бұл жаққа демалуға келетін сияқты. Ақшаның буына ес жоғалтқанша ішіп, шегіп Украинадан қыздар алдырып демалған әкім қараларды нақты білем! Оқ атқан жігіт Шымкент қаласының әкімдігінде жұмыс істейді екен.Ғабит Сыздықбеков сен өзің басқарып отырған әкімдік ішін реттей алмай отырсың!
Бұл оқиғадан кейін Шымкентті игере алмайтының айқындалды.Президент әкімшілік төрағасы Айбек Дәдебай мырза! Шымкентке назар аударыңыз!",-деді заңгер Айгүл Орынбек.
Заңгер әкім орынбасарын атқан Ернар жайлы ақпарат жинап, оның мұндай әркететке бекер бармағанын, желіде қайғылы жағдай себебін бұрмалау басталып кеткенін айтты.
"Шыққан ақпаратты теріске шығарып, Руслан Берденовты ақтау процесі басталып кеткен сияқты. Жоғарыдан сондай тапсырма түсті ау! Мен әйелдер мен қыздар арасындағы зорлық зомбылық мәселесін бұрыннан көтеріп жүрген белсендімін! Жануарлар әлемінде, еркегі бар ұрғашыға , хайуан еркек жоламайды.Күйеуі бар әйелге қызметте жүріп қырындау ол харассмент деп айтылады. Оқ атқан жігіт МВД академиясын бітірген ақыл есі дұрыс әкімдікте жұмыс істейтін қызметкер.Ернар бұндай қадамға жәйдан жәй бармайды. Яғни Ернарды , Берденов сондай ауыр жағдайға жеткізген болуы керек. Спортсмен достарының арасында өте сыйлы, жауапкершілігі мол деп мінездеме беріп жатыр достары",-деді заңгер желідегі парақшасында.