«Үйдің тыныштығын бұзған»: Қызылордалық келін енесін сотқа беріп, жеңіп шықты

Қызылорда облысында келіні енесінің үстінен сотқа арыз түсірген, деп хабарлайды Skifnews.kz ақпараттық порталы.

Облыстық соттың баспасөз қызметінің хабарлауынша, Қазалы аудандық сотында азаматша Ұ.-ға қатысты Әкімшілік құқық бұзушылық туралы кодекстің 73-бабы 1-бөлігімен әкімшілік құқық бұзушылық туралы іс қаралды.

Сотта А. есімді әйел келіні Ұ.-ны сыйламай, бейәдеп сөйлеп, үй тыныштығын бұзғаны анықталған.

«Сотта жәбірленуші енесі тарапынан ауыр сөздерді көтере алмай арыз түсіргендігін көрсетіп, оған жаза қолдануды сұраған. Ұ.-ның құқық бұзушылық әрекеті сотта зерттелген іс құжаттарымен толық дәлелденген. Қазалы аудандық сотының қаулысымен Ұ. Әкімшілік құқықбұзушылық туралы кодекстің 73-бабының 1-бөлігімен кінәлі деп танылып, оған ескерту түріндегі әкімшілік жаза қолданылған», — делінген сот хабарламасында.