Желі қолданушылары бұл әрекетті дінмен ойнау, арсыз табыс көзі ретінде бағалады.
Шымкент қаласында өткен бір шарада танымал әзілкеш Ғалымжан Құрманбек адамдарға «жәннатқа билет» сатты. Әлеуметтік желіде таралған видеода билет бағасы 1 миллионнан басталып, 50 миллион теңгеге дейін жеткені көрінеді, деп хабарлайды Skifnews.kz ақпарат порталы.
Бейнежазбада Ғалымжан Құрманбек билеттерді ұсынып, оларды нақты ақшаға саудалағаны анық байқалады. Оқиға көпшіліктің наразылығын туғызды — желі қолданушылары бұл әрекетті дінмен ойнау, арсыз табыс көзі ретінде бағалады.
Желіде пікір қалдырғандар арасында «Жәннатқа өзі ертіп апар ма?«, «Ұят-намыс деген жоқ» деген пікірлер жиі кездеседі. Ал кейбірі бұл – өз еркімен жасалған садақа болуы мүмкін дегенді алға тартады.