Қар аралас жаңбыр жауады: Елдің басым бөлігінде күн райы бұзылады деп болжам жасалды

Қар мен нөсер жаңбыр Қазақстанға қайта оралады. Бұл туралы алдағы сейсенбі, 2025 жылғы 27 мамырға арналған ауа райы болжамында айтылады, деп хабарлайды Skifnews.kz ақпарат порталы "Қазгидромет" РМК-ның баспасөз қызметіне сілтеме жасап.

Болжамға сәйкес, жауын-шашынсыз ауа райы еліміздің батысында, солтүстік-батысында және оңтүстігінде ғана күтіледі.

"Республикамыздың басым бөлігінде атмосфералық фронтальды бөліктердің әсерінен ауа райының тұрақсыз сипаты күтіледі: найзағай ойнап, жаңбыр жауады, түнде облыстың солтүстігінде, шығысында жауын-шашын (жаңбыр, қар), еліміздің шығысында қатты жауын-шашын (жаңбыр, қар), оңтүстік-шығыста нөсер жаңбыр жауады... Республикамыз бойынша ортақ табиғи құбылысқа желдің күшеюі жатады. Еліміздің батысында, оңтүстігінде шаңды дауыл тұрады, солтүстігінде, солтүстік-батысында, орталығында түнде және таңертең тұман болады"."Қазгидромет" РМК

Сондай-ақ, күндіз Жетісу облысының Алакөл көлдері ауданында соққан желдің екпіні 30 м/с және одан да асады деп күтіледі.

"Түнде Солтүстік Қазақстан облысының солтүстік-шығысында, Ақтөбе облысының солтүстігінде, Павлодар, Шығыс Қазақстан облыстарының шығысында, Қарағанды облысының шығысында, Абай облысының батысында, солтүстігінде, Ақмола, Қостанай облыстарының шығысында топырақ беті қатып, 1-2°С суық болады, үсік жүреді деп күтіледі"."Қазгидромет" РМК

Сонымен қатар, гидрометеорологиялық орталық мынандай да қауіпті құбылыстар туралы ескертеді:

• өрт қаупі жоғары - Жетісу облысының шығысында, Қызылорда өңірінің орталығында, солтүстігінде, Маңғыстау облысының батысында, Ақтөбе өңірінің батысында, оңтүстігінде, Павлодар облысының шығысында, орталығында, Жамбыл облысының солтүстігінде, оңтүстігінде, Батыс Қазақстан облысының оңтүстік-шығысында, Атырау өңірінің батысында, солтүстігінде, шығысында, Түркістан облысының оңтүстігінде, Алматы облысының орталығында, Абай облысының оңтүстік-шығысында;
• төтенше өрт қаупі - Қызылорда өңірінде, Түркістан облысының солтүстігінде, шөлейтті, тау бөктеріндегі аудандарында, Жамбыл облысының батысында, шығысында, Қостанай өңірінің оңтүстігінде, Ақтөбе облысының оңтүстік-шығысында, Атырау өңірінің оңтүстігінде, батысында, Алматы облысының солтүстігінде, Павлодар, Шығыс Қазақстан облыстарының оңтүстік-шығысында, Жетісу облысында, Абай өңірінің оңтүстігінде және Ұлытау облысында.