Бүгін елімізде ауа райы тұрақсыз болады

"Қазгидромет" РМК синоптиктері 2025 жылғы 19 шілдеге арналған ауа райы болжамын ұсынды. Мамандардың мәліметінше, еліміздің басым бөлігінде ауа райы тұрақсыз күйінде қалады, деп хабарлайды Skifnews.kz ақпарат порталы.

19 шілдеде көп өңірде жаңбыр, найзағай, бұршақ, дауыл күтіледі. Елдің солтүстігі мен орталығында — нөсер жаңбыр жауады.

"Батыс пен оңтүстікте антициклон ықпалымен жауын-шашынсыз ауа райы сақталады. Республика бойынша желдің күшеюі болжанады", – деп мәлімдеді "Қазгидромет" баспасөз қызметі.

Аймақтар бойынша ауа райы мен температура:

• Атырау, Алматы, Батыс Қазақстан, Шығыс Қазақстан, Абай, Жетісу, Қарағанды облысының оңтүстігінде: күндіз қатты ыстық 35–39°C.
• Қызылорда, Түркістан облыстарында: күндіз 40–43°C дейін аптап ыстық.
• Жамбыл, Маңғыстау облыстарында: күндіз 38–42°C.
• Алматы облысының батысы, солтүстігі, орталығы, Жетісу облысының шығысы мен орталығы, ШҚО мен Абай облысының оңтүстігінде: өте қатты ыстық 40–42°C.
• Маңғыстау облысының оңтүстігінде: аптап ыстық 43°C.

Өрт қаупі жоғары:

• БҚО, Атырау облысының солтүстігі,
• Абай облысының солтүстік-батысы мен орталығы,
• Қостанай облысының оңтүстік-шығысы,
• Ақтөбе облысының солтүстік-батысы мен солтүстік-шығысы,
• Қарағанды облысының орталығы, солтүстігі мен шығысы,
• Ұлытау облысының солтүстігі,
• Ақмола облысының батысы, солтүстігі, оңтүстігі,
• СҚО-ның оңтүстігі,
• Павлодар мен ШҚО-ның оңтүстігі мен шығысында өрт қаупі жоғары болады.

Төтенше өрт қаупі:

Маңғыстау, Қызылорда, Түркістан, Алматы, Жетісу, Жамбыл, Атырау, Қарағанды, Ұлытау, Ақтөбе, Қостанай, БҚО және Абай облыстарының көптеген бөлігінде төтенше өрт қаупі сақталады.

Синоптиктер әсіресе елдің оңтүстігі мен орталығында аптап ыстық пен өрт қаупіне байланысты сақ болуды ескертеді.