«Мен оны шын аяймын»: Жәбірленуші Перизат Қайраттың анасын үйқамақта қалдыруды сұрады

Жәбірленуші Садық Олжас өз сөзінде Палестина халқына 83 миллион теңге жинағанын айтты, деп хабарлайды Skifnews.kz ақпарат порталы. 

"Біз Газа тұрғындарына 83 миллион теңге жинадық. Мен бұл қаражатты жеке өзім Перизат Қайратқа тапсырдым, әрі оның Абу-Дабиге барған сапарына бірге еріп, ашық есепті талап еттім. Бірақ ешқандай ашықтық та, есеп те болған жоқ. Бұл іс тек ақша туралы ғана емес, заң тұрғысынан баға берілуі керек деп есептеймін. Біздің талап-арызымызды және прокурорлардың ұсыныстарын қолдауларыңызды сұраймын. Бірақ Гайни Алашбаеваны қоспаңыздар — мен оны шын аяймын, қазір денсаулығы нашар, мүмкін болса, оны үйқамақта қалдыруға болар еді", — деді жәбірленуші.