16 қыркүйектен бастап Қазақстанда ажырасу рәсімі жеңілдейді

«Неке (ерлі-зайыптылық) және отбасы туралы» кодекске енгізілген өзгерістерге сәйкес, енді кейбір жағдайларда некені бір тараптың өтініші бойынша бұзуға болады, деп хабарлайды Skifnews.kz ақпарат порталы.

Бұл мүмкіндік мынадай жағдайларда қарастырылған:

• егер екінші жұбай сот шешімімен хабар-ошарсыз кеткен деп танылса;
• әрекетке қабілетсіз немесе әрекет қабілеті шектеулі деп танылса;
• кемінде үш жыл мерзімге бас бостандығынан айырылса;
• сондай-ақ егер жұбайлардың бірі халықаралық іздеуде үш жылдан астам уақыт болса.

Жаңа ережелер кәмелетке толмаған балалары бар отбасыларға да қатысты қолданылады.