«Зинаны тоқтатпасақ, ертең оннан тоғызы ДЦП бала туады»: Блогердің даулы жазбасы қоғамды дүр сілкіндірді

"Содан білім де жоқ, денсаулық та, әскер де жоқ, боқ та жоқ".

Фото: ruh.kzq

Әлеуметтік желіде танымал блогер Ақсұлтан Қали жазған пікір үлкен дау тудырды, деп хабарлайды Skifnews.kz ақпарат порталы.

Ол алғашқы жазбасында:

«Зинаны тоқтатпасақ, ертең оннан тоғызы ДЦП туады. Содан білім де жоқ, денсаулық та, әскер де жоқ, боқ та жоқ» – деп мәлімдеді.

Бұл сөз қоғамның ашу-ызасын туғызды. Әсіресе ДЦП-мен ауыратын балалардың ата-аналары мен құқық қорғаушылар мұны ауыр, қорлайтын мәлімдеме деп бағалады. Кейін блогер жазбасына түсініктеме беріп, өз ойын басқа мағынада жеткізгісі келгенін айтты. Оның сөзінше, ата-анасы 15-20 жыл бойы ДЦП балалармен жұмыс істеп жүргендіктен, бұл тақырып оған бөтен емес.

«Жеке ата-ананы немесе баланы кемсіту ойымда болған жоқ, сөзім контекстен үзіліп қалған» деп ақталды. Сонымен бірге ол: «Әр бала – Алланың сыйы. Ешбір ата-ана кінәлі емес. Менің айтпағым – қоғамдағы зина, арсыздық жаңа дерттер мен қиындықтарды әкеледі деген пайым еді» – деп түсіндірді.

Алайда желі қолданушыларының бір бөлігі мұндай ауыр салыстырудың өзін қабылдамайтынын ашық жазып жатыр.