«Құранды өртеп, мұсылмандарды елден қууды талап етті»: АҚШ-тағы сұмдықтың видеосы тарады

АҚШ-та Конгреске үміткер Валентина Гомес өзінің сайлауалды ролигінде қолына от атқыш (огнемет) алып, Құранды өртеді. Ол Дональд Трамптың Республикалық партиясынан сайлауға түспек, деп жазады Skifnews.kz ақпарат порталы. 

Видеода саясаткер «исламды біржола тоқтату керек» деп мәлімдеп, мұсылмандарды АҚШ-тан кетуге шақырды. Оның айтуынша, «мұсылмандар христиан елдеріне зорлық-зомбылық арқылы қауіп төндіреді».

Сонымен бірге Гомес жақтастарын қолдау білдіруге үндеп, «Техаста исламмен түбегейлі күрес жүргізу қажет» деген сөз айтты.

Бұл әрекет қоғамда үлкен резонанс тудырып, дін өкілдері мен құқық қорғаушылар тарапынан сынға ұшырады.