$ 538.54  628.31  6.7

20 жастағы бойжеткен бәрін бұзды: қазақ жігіттері жас қыз үшін отбасын тастап жатыр ма?

Роза Әбишеваның өзі болса, бұл оқиғаны жасырып қалмай, ашық айту арқылы басқаларға сабақ болсын деген ойын жеткізді.

Фото: Pixabay
Фото: Pixabay

Әлеуметтік желіде әнші әрі блогер Роза Әбишеваның жеке өміріне қатысты жазбасы қызу талқыға түсті. Ол өз Reels бейнежазбасында отбасылық қиындықтары жайлы ашық айтып, жұртты ойландырған сөздер қалдырды, деп хабарлайды Skifnews.kz ақпарат порталы.

«Маған үш баласы бар ер адамның керегі жоқ. Қыздың көзі ақшаға түсті ме, бәрі болды. Ол әйеліне де, баласына да қарамайды. Ондай қыздар ақша үшін бәріне барады. Осыған көзім анық жетті», – деді ол бейнероликте.

Розаның айтуынша, отбасына түскен сынақ оңай болмаған. Ол жұбайының тарапынан жасалған опасыздықты жасырмай, көпшілікпен бөлісуді жөн көрген. Алайда бұл шешімі қоғамда екіұшты пікір тудырды. Бірі «бұл – оның жеке таңдауы, шындығын айтуға құқығы бар» десе, енді бірі «отбасылық сырды жария ету міндетті емес» деп сын айтты.

Желі қолданушыларының бірі:
«Басыңыздан өткен жағдайды, отбасылық сырды жұрттың бәріне жария жасау міндетті ме?» – деп сауал тастаса, Роза оған:
«Ол – менің таңдауым, бұл шешімге бір күнде ешкім келген жоқ», – деп жауап қатқан.

Тағы бір пікір иесі:
«Сен өте мықтысың ғой, жаным. Алланың сенің пейіліңе қарай берері көп. Ең бастысы – денсаулығың жақсы болса, қалғанының бәрін жеңіп шығасың», – деп қолдау білдірді.

Ал тағы бір жазбада:
«Сеніп тұрмыс құрамыз, уақытымызды, денсаулығымызды кетіреміз, бала туамыз. Енді бала шағаны аяққа тұрғызамыз дегенде, жолдасыңнан осындай сатқындық жасауы қандай ужасно…», – деп пікір қалдырған жанашырлар да болды.


Желіде қызу талқыланған бұл мәселе қоғамда жастар арасындағы отбасылық құндылық, ерлі-зайыптылар арасындағы сенім және опасыздық тақырыптарын тағы бір мәрте күн тәртібіне шығарды.

Роза Әбишеваның өзі болса, бұл оқиғаны жасырып қалмай, ашық айту арқылы басқаларға сабақ болсын деген ойын жеткізді.

Сіздің реакцияңыз?
Ұнайды 3
Ұнамайды 0
Күлкілі 0
Ашулы 0

Серіктес жаңалықтары