Қазақстан Үкіметінің құрамы: аймақтық, жас және гендерлік тепе-теңдікке шолу

Қазақстан Үкіметінің қазіргі құрамы – 26 қызметкерден тұрады. Осы тұста Newtimes.kz ақпарат агенттігі шенділерге қатысты қызықты деректерді жинақтады, - деп жазады Skifnews.kz ақпарат порталы.

Қазіргі құрамдағы 26 қызметкердің тек үшеуі ғана әйел. Олар: Аида Балаева — Мәдениет және ақпарат министрі, Ақмарал Әлназарова — Денсаулық сақтау министрі, Светлана Жақыпова — Еңбек және халықты әлеуметтік қорғау министрі.

Гендерлік теңдіктен бөлек билік басында жүргендердің жас ерекшеліктері де әртүрлі. Кабинеттің ең жасы үлкен мүшесі — Ерлан Нысанбаев (1961 жылы туған), Экология және табиғи ресурстар министрі.

Ең жас министрлер қатарында: Шыңғыс Арынов  (1983 ж.т.) — Төтенше жағдайлар министрі, Жаслан Мадиев (1983 ж.т.) — Цифрлық даму министрі, Ербол Мырзабосынов (1984 ж.т.) — Спорт және туризм министрі.

Сондай-ақ қатарластар да назар аудартпай қоймайды: Серік Жұманғарин, Қанат Бозымбаев, Ғани Бейсембаев және Дәурен Қосанов — барлығы 1969 жылы дүниеге келген.

Қазақстан Үкіметінің өңірлік құрамы: оңтүстік аймақтар басымдыққа ие

Қазіргі Қазақстан Үкіметіндегі әрбір үшінші адам Алматы қаласы немесе Алматы облысынан шыққан. Сондай-ақ Қарағанды және Қызылорда облыстарынан шыққан өкілдер де айрықша көзге түседі.

Елдің солтүстік және шығыс өңірлерінен шыққандар министрлер Үкіметтің шамамен 20 пайызын құрайды. Ал батыс аймақтан бір ғана министр – ұлттық экономика министрі әрі Премьер-Министрдің орынбасары Серік Жұманғарин шыққан.

Айта кетерлігі, Үкімет құрамында Батыс Қазақстан, Атырау, Маңғыстау, Түркістан және Қостанай облыстарынан бірде-бір өкіл жоқ. Осылайша министрлер кабинеті мүшелерінің шамамен 40 пайызы – еліміздің оңтүстік өңірлерінің тумалары болып отыр. 

Кім, қайдан?

Алматы мен Алматы облысы – 11 адам.

Оның ішінде:

Олжас Бектенов — Премьер-министр,

Қанат Бозымбаев — Премьер-министрдің орынбасары,

Мұрат Нұртілеу — Премьер-министрдің орынбасары, Сыртқы істер министрі,

Ермек Көшербаев — Премьер-министрдің орынбасары,

Мәди Такиев — Қаржы министрі,

Ерлан Нысанбаев — Экология және табиғи ресурстар министрі,

Ерлан Сәрсембаев — Әділет министрі,

Жаслан Мәдиев — Цифрлық даму, инновациялар және аэроғарыш өнеркәсібі министрі,

Шыңғыс Арынов — Төтенше жағдайлар министрі,

Аида Балаева — Мәдениет және ақпарат министрі.

Қарағанды облысынан үш министр

Светлана Жақыпова — Еңбек және халықты әлеуметтік қорғау министрі,

Арман Шаққалиев — Сауда және интеграция министрі,

Ерсайын Нағаспаев — Өнеркәсіп және құрылыс министрі.

Қызылорда облысынан үш шенді

Ғалымжан Қойшыбаев — Үкімет аппаратының басшысы,

Ақмарал Әлназарова — Денсаулық сақтау министрі,

Ғани Бейсембаев — Оқу-ағарту министрі.

Жамбыл облысынан екі министр

Нұржан Нұржігітов — Су ресурстары және ирригация министрі,

Нұрлан Сауранбаев — Көлік министрі.

Павлодар облысынан үш шенді

Роман Скляр — Бірінші вице-премьер,

Дәурен Қосанов — Қорғаныс министрі.

Солтүстік Қазақстан облысынан бір министр

Айдарбек Сапаров — Ауыл шаруашылығы министрі.

Шығыс Қазақстан облысынан бір министр

Ержан Сәденов — Ішкі істер министрі.

Ақтөбе облысынан бір шенді

Серік Жұманғарин — Ұлттық экономика министрі, Премьер-министрдің орынбасары.

Семейден екі министр

Саясат Нұрбек — Ғылым және жоғары білім министрі,

Ербол Мырзабосынов — Спорт және туризм министрі.