Қасым-Жомарт Тоқаев достық ілтипат үшін Си Цзиньпинге алғыс айтты

Мемлекет басшысы ҚХР Төрағасы Си Цзиньпинге жеделхат жолдады, деп жазады Skifnews.kz ақпарат порталы.

Президент Қытайға ресми сапары барысында қазақ делегациясына көрсетілген қонақжайлық пен достық ілтипат үшін Төраға Си Цзиньпинге алғыс айтты.

Қасым-Жомарт Тоқаев ҚХР басшысымен жүргізген келіссөз нәтижесін жоғары бағалап, екі елдің сан қырлы ынтымақтастығын одан әрі нығайту үшін күш-жігер жұмылдыруға дайын екенін жеткізді.