«Жанабылов ісі» тағы кейінге қалды: блогердің құқығы бұзылғаны айтылды

Блогер Ерболат Жанабыловтың ісі бойынша сот отырысы 15 қыркүйекке шегерілді, деп хабарлайды Skifnews.kz ақпарат порталы.

Мұндай шешім адвокаттың мәлімдемесінен кейін қабылданды. Адвокаттың айтуынша, Жанабыловтың құқықтары өрескел бұзылған: Протоколмен таныстырылмаған және көшірмесі берілмеген; Сотталушы өзіне тағылған айыптың мәнін толық білмеген; Құжаттардың бір бөлігі қазақша, бір бөлігі орысша болғанымен, аудармашы берілмеген. Сонымен қатар, блогер сот залынан шыға берісте журналистердің сұрағына жауап беруден бас тартып:

«Мен тамақ ішкім келеді, таңнан бері осында отырмыз» – деп қысқа қайырды.

Айта кетейік, Жанабыловтың өзі айтқандай, оның курстарына 5–6 мың адам қатысқан. Әрқайсысы 30 мың теңге төлеген.