Енді елімізде жеке тұлғалар автокөлікті лизингке ала алады

Сауда және интеграция министрлігі бұйрық жобасын қоғамдық талқылауға шығарды,  деп хабарлайды Skifnews.kz ақпарат порталы.

Құжат жеке тұлғаларға көліктерді лизингке алуға мүмкіндік береді. Мақсат - азаматтардың мүддесі үшін экономикалық реформаларды жүзеге асыру, деп хабарлады министрліктегілер.

"Азаматтар кейіннен көлікті сатып алу немесе жалға берушіге қайтару құқығымен лизинг шарты бойынша жеке мақсатта пайдалану үшін көлік сатып алу мүмкіндігіне ие болады", - деп жазылған мәлімдемеде.

Дегенмен, пайдаланылған көліктерді лизингке ресімдеуге болмайды. Лизинг шарты типтік үлгі бойынша жасалады, бірақ лизинг беруші көлікті лизингке алушының жағдайын жақсартатын ережелерді қоса енгізе алады.

Бұл азаматтар үшін көліктердің қолжетімділігін арттырады және отандық автолизинг нарығының дамуын ынталандырады, деп сенімді министрліктегілер.