"Қазақстанда қашаннан бері қыз баланың тұрмысқа шықпай жатып жүкті болуы қалыпты жағдайға айналған?"
Әлеуметтік желіде 2,1 миллион оқырманы бар ресейлік блогер Эльмира Ілясова қазақстандықтарды қорлайтын пікірлер жазды, деп хабарлайды Democrat.kz. сайты Orda.kz.-ке сілтеме жасап.
Threads желісінде бірнеше күн бойы блогердің (elle_happy_mom) жазбаларына қатысты дау басылған жоқ. Бұл Ілясованың оқырмандарымен сұрақ-жауап айдарында «Қазақстанда жүкті болып тұрмысқа шығу қалыпты жағдайға айналды» деген жауабынан басталған. Блогердің пікірінше, мұсылман елі саналатын Қазақстанда мұндай жағдай қалыпты деп саналады.
“Кешіріңіз, әрине, бірақ Қазақстанда қашаннан бері қыз баланың тұрмысқа шықпай жатып жүкті болуы қалыпты жағдайға айналған? Сіздер мұсылман елі емессіздер ме? Иә, мұндай жағдайлар барлық жерде кездеседі, бірақ сіздерде бұл тым жиілеп кеткен сияқты, тіпті үйреншікті жағдайдай көрінеді. Ұялыңыздар, күнәларыңызды жасырыңыздар”, – деп жауап берген.
Бұл мәлімдеме әлеуметтік желіде жылдам тарап, қазақстандықтардың наразылығын тудырды. Қолданушылар оған Қазақстанның зайырлы мемлекет екенін түсіндіруге тырысқанымен, Эльмира Ілиясова түгел ұлтты қорлауға көшкен.
Блогер бұл пікірімен тоқтап қалмай, қазақстандықтардың ашуын тудырған тағы бір жазба жариялады.
«Өмір бақи кірдің ішінде өмір сүріп, лас дүниеге әуес халық» деген жазбасы әлеуметтік желіде қатты резонанс тудырды.
Threads қолданушылары блогерден жазылудан бас тартып, Instagram әкімшілігіне ұлтараздық мазмұндағы жазба үшін шағым жасауға шақырды.
Қазақстандық блогер Ілясовадан жаппай жазылымнан бас тарту керек деп санайды.
«Менің ойымша, бәрі жазылымнан шығуы керек. Әрине, ең алдымен ол біздің елді қорлады. Бірақ “өздеріңді крестпен бірге жерлеңдер” деген сияқты дөрекі түрде айту да дұрыс емес. Кейбіреулер жазып жатыр: “Неге сендер оның деңгейіне түсіп, оны талқылайсыңдар?” деп. Тынышталыңдаршы, намыс қайда? Адамның өзінде намыс болуы керек! Бізбен олай сөйлесуге болмайтынын түсінуі тиіс. Тілге абай болу керек», – деді Панамарева.
