«Ban» трегі — заманауи қоғамдағы әйел рөлінің трансформациясын бейнелейтін белсенділердің музыкалық манифесті.
Özim қыздар тобының белсенділері — Адалят Рахидинова мен Акбота Урынбасарова Qazaqstan телеарнасындағы «1001 түн» бағдарламасында қонақта болды. Эфирде олар топтың жоспарлары, шабыт көздері мен құндылықтары туралы айтып, көрермендерге дебюттік тректері — «Ban» әнін таныстырды. Ән Apple Music пен YouTube Music қоса барлық музыкалық платформаларда қолжетімді, деп хабарлайды Skifnews.kz ақпарат порталы.
«Ban» трегі — заманауи қоғамдағы әйел рөлінің трансформациясын бейнелейтін белсенділердің музыкалық манифесті. Әнде қатысушылар заңдары қоғам сұранысына сай жаңарып, әділеттілікке қарай бағыт алып жатқан ел үшін мақтанышын жеткізеді. Трек мәтінінде олар тұрмыстық зорлық-зомбылық, сталкинг және некеге (алып қашу) мәжбүрлеу үшін жауапкершілікті күшейтуге бағытталған соңғы заңнамалық өзгерістерге назар аударады.
Электронды әуен, этникалық сарындар мен рэп элементтері бірігіп, қазіргі қазақстандық әйелдің — өзіне сенімді, дербес әрі жасампаз бейнесін қалыптастырады.
Qazaqstan телеарнасында өнер көрсету кезінде орындаушылар «Ban» трегінің идеясы — жеке шекара, абырой және қауіпсіз өмір сүру құқығы туралы ашық айтатын жаңа буын әйелдерінің үнін жеткізу екенін атап өтті.
