Ақмола облысында мұғалім 20 млн теңгесінен айырылып қалды

Ақмола облысының тұрғыны алаяқтарға 20 млн теңгеге алданып қалған, деп хабарлайды Skifnews.kz ақпарат порталы.

60 жастағы тұрғын инвестициялармен байланысты ең көп таралған алаяқтық схемалардың бірінің құрбаны болып отыр.

Тергеу барысында белгілі болғандай, осы жылдың тамыз айында жәбірленуші Instagram желісінен ақша көбейту жарнамасын көрген. Хабарландыруда олар ақша салудан жоғары пайда табуға болатынын айтып, сілтеме арқылы қарапайым тіркеуден өтуді ұсынған.

Сайтқа кіргеннен кейін жәбірленуші жеке кабинет құрып содан кейін "қаржылық кеңесшілер" дивидендтер алу үшін тұрақты аударымдарды орындауға сендіре отырып, онымен белсенді түрде байланыса бастады. Үш ай ішінде әйел 50 аударым жасаған. 

– 24 қарашада жәбірленуші алаяқтықтың құрбаны болғанын түсініп, полицияға жүгінді. Өтініш бойынша қылмыстық іс қозғалып, қажетті іс-шаралар жүргізіліп жатыр. Киберполицейлер атап өткендей, жалған инвестициялармен байланысты алаяқтықтар Қазақстанда кең таралған алаяқтықтардың бірі болып қала береді, – делінген ақпаратта.