«Бұл-мазақ ету»: Молдағұлова мен Мәметова туралы «әзіл» халықтың ашуын туғызды (ВИДЕО)

Әлеуметтік желілерде Jaidarman Show бағдарламасындағы “әзілге” құрылған бір көріністен кейін үлкен дау туындады, деп хабарлайды Sn.kz ақпарат порталы.
Желіге тараған бейнежазбада өлім аузында жатқан Әлия Молдағұлова мен оның қолын ұстап отырған Мәншүк Мәметова бейнеленген. Көптеген қазақстандықтар бұл қойылымды Ұлы Отан соғысының қос қаһарманының рухына жасалған құрметсіздік деп бағалап, ашу-ыза білдірді.

Адвокат Мейірман Шекеев роликті қатаң сынап, оны “арзан күлкі” деп атады. Ол мұндай мазмұнның телеарна эфирінен көрсетіліп жатқанын түсіне алмайтынын айтты. Сондай-ақ, бұл қойылымды көрсетуге не себепті қарсылық болмағанын да сұрады.

“Бұның бәрі ұлттық идеологияның жоқтығынан. Ұрпағымыздың өсі көрінісінен кейін соғыста жеңдік деп қалай айта аламыз. Бізде осы бұқаралық ақпарат құралдарын қадағалайтын органдар аспанға қарап отырғандай әсер қалдырады. Сондықтан да азаматтар өз білгенін істеп, қоғамда жауапкершіліксіз әрекеттер көбейіп жатыр. Ұрпағымыздың санасын улап, болашағымызды бұлыңғыр етіп жатыр”, – деді ол.

Шекеевтың сөзінше, жағдай осылай жалғаса берсе, болашақ ұрпаққа да, тіпті елдің тұтастығына да қауіп төнуі мүмкін.