Сауд Арабиясында діни тақырыптарға әзіл айтқан адамдар 5 жылға дейін бас бостандықтарынан айырылмақ. Бұл туралы корольдіктің Twitter желісіндегі парақшасында жазылды.

Тұрсынбек Қабатов жүргізетін кезекті ойын-сауық бағдарламалардың бірі – «Қазақстан» арнасындағы «Көңілашар». Апта сайын төрт рет, түнгі сағат 11-ден аса эфирге шығады. Қабатовтың тапқыр әзілдерімен, әртістік қарым-қабілетімен көпшілікке ұнап жүргенін мойындауымыз қажет. Алайда, осы «Көңілашар» қазақ телевизиясындағы әзілдері сын көтермейтін, күлкіңді көтерудің орнына ашуыңа тиетін сапасыз бағдарлама деуге болады.

Бүгін – Күлкі күні. «Әзілің жарасса, атаңмен ойна» дейтін қазақ қалжың-қағытпаны қашан да теріс көрмеген. Тап осы күнді арнайы атап өтпесе де, дәл осы күнді аңсап күтіп, қалжың көтерер құрдасын сан соқтырып алдап кетуді мұрат етпесе де, қазақ әдемі әзілдің бағасын қадам заманнан білген де, бағалаған да. Жан тапсырып жатып та әзілдеп кеткен актерлер болыпты. Себебі әзіл түбі – зіл, зілдің түбі – шындық. Ал адам көңіл түкпірінде үнемі шындық іздеп жүретінін өзі де сезбейді. Бұл күлкінің бір қыры болса, ең басты қыры, күлкі – жанның шипасы. Бір рет жақсылап тұрып күлгеннің денсаулыққа пайдасы зор екенін екінің бірі біледі. Әзілдескенді жақсы көретін, ойнамаса ойындағысының бірі кем боп тұратын көңілді жандар қай театрдан да табылады. Балдай тәтті әзілімен төңірегін базар жасап, отырған жерін ду-ду күлкіге көметін тілі уытты артистер қалжыңға бір иығын беріп тұрмаса ішкен асы бойына тарамайды – юмор мен сатираның ордасы да осы театрлар. Назарыңызға кешегі күннің әзілі мен бүгінгі толқынның қалжыңын қатар бердік, күліңіз, күлкі өмір жасты ұзартады...