Жарақат алған азамат ауруханаға жеткізілді.
Астанадағы «Нұрлы жол» теміржол вокзалында пышақ қолданылған оқиға болды, деп хабарлайды Sn.kz ақпарат порталы.
Полиция мәліметінше, «пышақ жарақатын келтіру дерегіне қатысты Астана станциясындағы желілік полиция басқармасы қылмыстық іс қозғады».
«Күдікті жедел ізінше ұсталып, ИВС-ке қамалды. Жарақат алған азамат ауруханаға жеткізілді, оның жағдайы тұрақты. Қазіргі уақытта тергеу амалдары жүргізіліп жатыр», – деп мәлімдеді ІІМ Көліктегі полиция департаменті.
Әлеуметтік желі қолданушыларының айтуынша, оқиға салдарынан жас жігіт зардап шеккен. «Оны пышақтап кетті», – деп жазуда куәгерлер.